பொத்துத்துவில் எதிர்நோக்கும் சவால்களும் அவற்றுக்கான தீர்வுகளும் என்ன?

Related Articles

• தமிழர்களும் முஸ்லிம்களுக்குமானஒற்றுமையின் அவசியம் காலத்தின் தேவையாகும்.003.Jan
• பொத்துவிலில் 10 முஸ்லிம்கள் படுகொலை: முன்னாள் புலி உறுப்பினர் கைது004.Nov
• அதிபர், ஆசிரியர் வெற்றிடங்களை நியமன நியதி இடமாற்ற விதிமுறைகளுக்கமைவாக நிரப்பக் கோருகின்றது இலங்கை இஸ்லாமிய ஆசிரியர் சங்கம்012.Jul

பொத்துவில் வரலாறு நெடுகிலும் காலத்திற்கு காலம் பல்வேறுபட்ட பிரச்சனைகளை எதிர் நோக்கியே வந்திருக்கிறது. இந்த பிரச்சினைகளின் வீரியமும் வடிவங்களும் மாறுபட்டவை. ஆயினும் இந்த பிரச்சினைகளை பொத்துவில் சமுகம் கால வர்த்தமானங்களுக்கு ஏற்ப முகம் கொடுத்து சமாளித்தே வந்துள்ளது.

கல்வி

வணிகமயமாக்கப்பட்ட பாடசாலை கல்வி, ஆசிரியர் பற்றாக்குறை, தகுதிவாய்ந்த ஆசிரியர்கள் இண்மை, ஆசிரியர்கள் இடமாற்றம், வளப்பற்றாக்குறை, தனியார் வகுப்புகளுக்கு மாணவர்கள் செல்வதனை தடை செய்தல் போன்ற காரணங்களால் மாணவர்களின் எதிர் காலம், கணவு, ஆசை, இலட்சியம் அத்தனையும் அழிந்து போக வழி வகுக்கின்றது,

பொருளாதாரம்

பொத்துவில் விவசாயிகளின் 1000 ஏக்கர்களுக்கும் மேலான பூர்வீக காணிகள் 25 வருடங்களுக்கும் மேலாக விவசாயம் செய்ய முடியாமல் முடக்கப்பட்டுள்ளமை, விவசாயம் செய்வதற்கு போதிய நீர் வசதியிண்மை, பொத்துவிலின் எல்லை நிர்ணயம் இதுவரை கிடப்பில் இருப்பதனால் எமது ஊருக்கு சொந்தமான வயல் நிலங்களும், மேய்ச்சல் தரைகளும் அயல் ஊர்வாசிகளால் அத்து மீறி ஆக்கிரமிக்கப்படுகின்றமை, காட்டுத் தொழில் செய்பவர்களின் ஜீவனோபாயம் முற்றாக நிராகரிக்கப்பட்டுள்ளமை, மீன்பிடியில் ஈடுபடுவதற்கு காணப்படும் தடைகள், வெளி ஊர்வாசிகளுக்கு மீன்பிடி அனுமதிப்பத்திரம் வழங்க்கப்படுவதும் உள்ளூர்வாசிகளுக்கான அனுமதிப்பத்திரம் மறுக்கப்படுவதும், அரசாங்க நியமனங்களில் பொத்துவில் இளைஞ்சர்களும் யுவதிகளும் உதாசீனம் செய்யப்படுதல் போன்ற பிரச்சினைகளின் மூலம் எமதூரின் பொருளாதாரம் இதுவரை முடங்கியே மூச்சு முட்டி கிடக்கின்றது…

சமூக கலாசாரம்

பணப்புளக்கத்துக்கு பழக்கப்பட்ட இளைஞ்சர்கள் ஒருபக்கம், பட்டிணியாள் பரிதவிக்கும் விதவைகள் மறுபக்கம், மாற்றுக்கருத்துக்கள் கொண்ட மதகுருமார்கள் இன்னொரு பக்கம், குடும்ப்பக் கஷ்டம் தீர்க்க வெளிநாட்டில் பரிதவிக்கும் சமூகம் ஒருபக்கம் எதுவந்தாலும் மாத வருமானத்தை வைத்தே எல்லாவற்றையும் சமாளிக்கும் திறன் கொண்ட அரச அதிகாரிகள் இன்னொருபக்கம் நாம் எல்லோரும் எமது எதிர்கால சந்ததியினர் சிறந்த முறையில் வாழும் சூழலை எமது வீடுகளில் இருந்தே உருவாக்க வேண்டும்.

அரசியல்

தனி மணித அதிகார துஸ்பிரயோகம், சமூக சாயம் பூசப்பட்ட அரசியல், தூர நோக்கற்ற அரசியல் வியுகங்கள், தலைமைத்துவ ஆசை, உல் கட்சி பூசல்கள், பழிவாங்கும் உணர்வுகள், திட்டமிடப்படாத செயற்திட்டங்கள், சமூக பிரச்சினைகள் வரும் போது ஓடி ஒழிக்கும் தலைமைகள், வெறுமனே இளைஞ்சர்களின் உணர்வுகளை தூண்டிவிட்டு சகோதரர்கள் சுடப்பட்டாலும் கூட சாட்சி சொல்ல வருவதற்கும் எவரும் இல்லாத கட்டமைப்பு, தான் அதிகாரத்துக்கு வரவேண்டும் என்ற நோக்கில் தன உந்துரிலியை கொடுத்து சக அரசியல் வாதியை சுடச்சொள்ளும் கலாசாரம், காசுக்காக வேண்டி கண்ட இடத்தில கையெழுத்திட்டு கடற்கரை முழுவதையும் மாற்று மத ஆலயங்களுக்கு தாரை வார்க்கும் கண்மூடித்தனம், பொத்துவில் மக்களின் வாக்கு வங்கியை பிரித்து உள்ளூர் அரசியல் வாதியை தோற்கடித்து அதில் குளிர் காயும் கோமாளித்தனம்.

இந்தப்பிரசினைகளுக்கான மூல காரணங்களை கண்டறியும் முயற்சிகளோ அல்லது இவற்றிற்கான அறிவுடமையான ஆய்வுகளோ இதுவரை மேற்கொள்ளப்படவில்லை. அத்தோடு இந்த பிரச்சினைகளுக்குரிய அடிப்படை காரணங்களையோ, பிரச்சினகளுக்கு காரணமாகவுள்ள சமுக, கலாச்சார, சகவாழ்வு சார்ந்த விடயங்கள் தொடர்பாகவோ ஆழமாக சிந்திக்காது எமது ஊரின் பிரச்சினைகளை தற்காலிகமாக் தீர்த்துக்கொள்ளும் பாங்கில் சுய நலப் போக்கிலேயே நாம் தீர்வுகளைப் பெற முனைந்திருக்கிறோம்.

இது எமது ஊர் எதிர்நோக்கியிருக்கின்ற பிரச்சினைகளின் தீவிரத்தை, ஆழத்தை புரிந்து கொள்ளாமல் மேலோட்டமாக எடுக்கப்பட்ட தற்காலிக தீர்வுகளாக இருப்பதால் எமது ஊர் எதிர் நோக்கும் எந்த சவாலையும் இதுவரை நிரந்தரமாக தீர்த்து வைக்க நமது தலைமைகளால் முடியவில்லை. இதன் காரணமாக நாம் சந்திக்கும் பிரச்சினைகளின் வடிவங்களும் தீவிரமும் அதிகரித்தே செல்கிறது.

எமக்கான பிரச்சினைகளை சரியாக விளங்கி அதற்கான தீர்வுகளை முன்வைக்க வேண்டியுள்ளது. எமது ஊரின் பல்லினத்துவ, மற்றும் மாறுபட்ட கலாச்சார நடைமுறைகளை புரிந்து கொண்டும் எமது இஸ்லாமிய விழுமியங்களையும் நன்கு உள்வாங்கிக் கொண்டும் சம கால செல்நெறிக்கு ஏற்றவாறு தீர்வுகளை முன்வைக்க வேண்டும். இதற்கு சிறந்த அறிஞர்களின் தலைமைத்துவ வழிகாட்டல் எமக்கு தற்போதைய அதிமுக்கிய தேவையாகும்.

எனவேதான் நமது ஊரிற்கு பொருத்தமான அறிவுபூர்வமான திட்டங்கள் முன்வைக்கப்பட வேண்டியுள்ளது. இதன் அவசியத்தை ஓரளவாவது புரிந்து கொண்டு சுய நல அரசியல் அபிலாசைகளை ஒதுக்கிவிட்டு சமுகத்தின் பிரச்சினைகளுக்கு ஒற்றுமையாக குரல் கொடுக்க வேண்டியது எமது அரசியல் தலைமைத்துவங்களின் கூட்டுப் பொறுப்பாகும்.

இதற்காக தமது காத்திரமான பங்களிப்புகளை செய்ய எமதூர் அரசியல் தலைமைகள் தயங்காது முன்வர வேண்டியுள்ளது. இவ்வாறானதொரு சூழ்நிலை உருவாகாத வரையில், எமதூர் தனக்கு முன்னால் உள்ள சவால்களுக்கு சரியாக முகம் கொடுக்க முடியாது போகும். ஏனெனில் நாம் முகங் கொடுக்கப் போகும் பிரச்சினைகள் பல்வேறு வடிவங்களில் அதிகரித்த தீவிரத்தோடு எம்மை எதிர்நோக்கியிருக்கின்றன என்பதனை நம்மால் புரிந்து கொள்ள முடிகிறது.

இதனை நாம் சரியாக புரிந்து கொள்ளாது பொத்துவில் எதிர்நோக்கும் சவால்களை அவ்வப்போது சமாளித்து வருகிறோமே தவிர, அந்த சவால்களுக்கான சரியான தீர்வுகளை அடையாளம் கண்டு அறிவுபூர்வமாக ஒன்றுபட்ட சமுக அமைப்பாக செயற்பட்டு பிரச்சினைகளை எதிர்கொள்ள தொடங்கவில்லை.

அவரவர் சார்ந்துள்ள இயக்கங்கள், கட்சிகள், அமைப்புகளின் கொள்கை அடிப்படையில் பிரச்சினைகளுக்கு தனித்தனி குழுக்களாகவே நாம் குரல் கொடுத்து வருகிறோம். அல்லது எமக்குள் இருக்கும் முரண்பாடான கருத்துகளை முற்படுத்தி மோதிக் கொள்கிறோம். எனவே நாம் எதிர்நோக்கும் பிரச்சினைகளுக்கு வெறும் பௌதீக வளங்களை ஓடோடிச் சென்று வழங்குவதாலும் தற்போதுள்ள தொலைத் தொடர்பு வசதிகளைக் கொண்டு எமது நிலைமையினை உலகறியச் செய்வதாலும் நாம் எமது பிரச்சனைகளை நிரந்தரமாக தீர்த்துவிட முடியாது.

இவ்வாறு உணர்ச்சிப் பெருக்குடன் தம்மாலான பங்களிப்பை சமூகத்திலுள்ள பலரும் மிக தீவிரமாக செய்வதூனாடாக எமக்கான தற்காலிக ஆறுதல் கிடைத்தாலும் புரையோடிப் போயுள்ள பிரச்சினைகளுக்கும் முரண்பாடுகளுக்கும் நிரந்தரமான தீர்வுகளை அடைந்து கொள்வதற்காக இன்னும் கடுமையாக திட்டமிட்டு உழைக்க வேண்டியுள்ளது.

இந்த சவால்களுக்கான சரியான தீர்வு என்ன? அதற்கான பொறிமுறை யாது? அந்த பொறிமுறைகளை அறிவு பூர்வமாக முன்வைப்பவர் யார்? இதனை முன்கொண்டு சென்று சமூகத் தளத்திலும் அரசியல் தளத்திலும் செயல்பட வைப்பவர் யார்? இதற்கான சமுக அங்கீகாரத்தை எவ்வாறு பெற்றுக் கொள்வது என்பதே எமக்கு முன்னாலுள்ள பெரும் சவாலாகும்.

-இம்தியாஸ் சலீம்-